- 2016-11-24 23:07:00
- សុខភាព
បង្កប់សាប៊ូដុំក្រោមពូកពេលគេងយប់ ជួយឲ្យជើងគេចផុតពីអាការៈទាំងនេះ
- 2016-11-24 23:07:00
- ចំនួនមតិ 0 | ចំនួនចែករំលែក 0
បង្កប់សាប៊ូដុំក្រោមពូកពេលគេងយប់ ជួយឲ្យជើងគេចផុតពីអាការៈទាំងនេះ
ចន្លោះមិនឃើញ
បើយោងតាមគ្លីនិក Mayo Clinic បញ្ជាក់ថា ពលរដ្ឋអាមេរិកកាំងជាង ៣លាននាក់ មានអាការៈស្ពឹក ស្រពន់ជើង។ អាការៈបែបនេះ មិនទាន់មានថ្នាំពេទ្យណាមួយអាចព្យាបាលបាននៅឡើយទេ ដែលវានឹងប៉ះពាល់សុខភាពរបស់មនុស្សបន្តិចម្ដងៗរហូតដល់ធ្ងន់ធ្ងរ។
ភាពស្ពឹកស្រពន់ ឬរមួលក្រពើ ក៏អាចនាំឲ្យយើងបែរជាគេងពុំលក់ស្រួលដែរ និងប៉ះពាល់ដល់ក្បាល ដៃ ដងខ្លួន និងអវយវៈជាច្រើនផ្នែកទៀត។ អ្នកជំនាញផ្នែកសុខភាពអះអាងថា បញ្ហាចម្បងធ្វើឲ្យជើងរមួល ស្ពឹក បញ្ជាមិនបាននេះ គឺដោយសារប្រព័ន្ធសរសៃដើរខុសតួនាទី។ ជាធម្មតាអាការៈទាំងនេះ កើតឡើងនាពាក់កណ្ដាលអាធ្រាត្រ និងធ្វើឲ្យកាន់តែឈឺចុកចាប់បើទុកយូរ។
អ្នកជួបប្រទះអាការៈខាងលើ ដំបូងឡើងឃើញថារមាស់ដូចគេយកកម្ទេចឈឺចាក់ តែអាចបានធូរស្បើយវិញ បើសិនជាក្រោកឈរ ឬព្យាយាមដើរជុំវិញ។ ទោះពេទ្យមិនទាន់មានវិធីព្យាបាល ប៉ុន្តែគេមានវិធីអាចការពារសាមញ្ញៗបានយ៉ាងមានប្រសិទ្ធភាព។
វិធីនោះ គឺងាយបំផុតដោយលោកអ្នកគ្រាន់តែយកសាប៊ូដុំ ដាក់ក្រោមកម្រាលពូកនៅខាងចុងជើងពេលគេងយប់ប៉ុណ្ណោះ។ ដើម្បីជៀសវាងប្រឡាក់ អ្នកអាចដាក់ដុំសាប៊ូក្នុងស្រោមជើងរួច សឹមដាក់ក្រោមពូក។ រយៈពេលដាក់ទុកចោល អ្នកត្រូវដូរក្នុងមួយខែម្ដង និងកុំឲ្យវាស្ងួតពេក ព្រោះវានឹងមិនបញ្ចេញចំហាយសារធាតុអ៊ីយ៉ុងឡើយ។ ចំពោះប្រសិទ្ធភាពរបស់វា ត្រូវមនុស្សជាច្រើនបានពិសោធន៍ រួចទទួលបានលទ្ធផលគួរឲ្យជឿជាក់បាន៕