- 2016-06-06 22:48:42
- ការអប់រំ
អ្វីបណ្ដាលឲ្យមានបាតុភូតថ្ងៃឬលោកខែបាំងឆត្រ?
- 2016-06-06 22:48:42
- ចំនួនមតិ 0 | ចំនួនចែករំលែក 0
អ្វីបណ្ដាលឲ្យមានបាតុភូតថ្ងៃឬលោកខែបាំងឆត្រ?
ចន្លោះមិនឃើញ
ថ្ងៃឬលោកខែបាំងឆត្រជារង្វង់ពន្លឺនៅព័ទ្ធជុំវិញព្រះអាទិត្យឬព្រះចន្ទ ដែលភាសាបច្ចេកទេសរបស់អ្នកវិទ្យាសាស្ត្រហៅថាបាតុភូត Halo។ តើបាតុភូតនោះកើតឡើងដោយសារអ្វី?
តាមការឲ្យដឹងពីវិទ្យុ Earth Skyផ្សាយពីវិទ្យាសាស្ត្រនិងធម្មជាតិនៃសហរដ្ឋអាមេរិកបានឲ្យដឹងថា បាតុភូត Halo បានកើតឡើងពី ពពកស្បៃ(cirrus clouds) ដែលជាញឹកញាប់គេឃើញវាកើតមានជាសញ្ញាមុនពេលព្យុះកើតឡើងខិតជិតមកដល់។
ពពកស្បៃនោះមានផ្ទុកគ្រីស្តាល់ដូចទឹកកកតូចល្អិតៗរាប់លាន ដែលបណ្ដាលឲ្យមានដំណើរងាកនៃកាំរស្មី ឬកើតមានចំណាំងប្លាតពេលពន្លឺនៃព្រះអាទិត្យឬព្រះចន្ទចាំងមក បង្កើតជាបាតុភូតនេះឡើង។
ចំណុចសម្គាល់ពិសេសមួយចំនួននៃបាតុភូតថ្ងៃឬលោកខែបាំងឆត្រ ៖ ពេលឃើញបាតុភូតលោកខែបាំងឆត្រ អ្នកអាចសម្គាល់ឃើញថាវាមានពណ៌ក្រហមនៅខាងក្នុងរង្វង់រស្មីនិងពណ៌ខៀវនៅខាងក្រៅរង្វង់។ ដោយឡែកបាតុភូតទាំងលោកខែ ឬថ្ងៃបាំងឆត្រកើតឡើង អ្នកនឹងឃើញមានពន្លឺនាគែមខាងក្នុងរង្វង់មានរាងដិតច្បាស់ ឯពន្លឺខាងក្រៅមានភាពរសាយ សាចមិនច្បាស់ ឯពពកនៅក្បែរជុំវិញទីតាំងលោកខែ ឬថ្ងៃបាំងឆត្រមានពណ៌ខ្មៅជាងពពកធម្មតា៕
ចុចអាន៖ អ្នកជំនាញរោគភ្នែក៖ ឪពុកម្ដាយមិនគូរឲ្យកូនតូចៗ មើលសូរ្យគ្រាសផ្ទាល់ភ្នែកនោះទេ
ប្រែសម្រួល៖ មាន រតនា ប្រភព៖ earthsky
