- 2017-12-04 08:48:23
- ការអប់រំ
បុគ្គលអានសៀវភៅជោគជ័យរបស់អាមេរិក នឹងមកកម្ពុជាក្នុងថ្ងៃពិព័រណ៍សៀវភៅឆ្នាំនេះ
- 2017-12-04 08:48:23
- ចំនួនមតិ 0 | ចំនួនចែករំលែក 0
បុគ្គលអានសៀវភៅជោគជ័យរបស់អាមេរិក នឹងមកកម្ពុជាក្នុងថ្ងៃពិព័រណ៍សៀវភៅឆ្នាំនេះ
ចន្លោះមិនឃើញ
តំណាងគណៈកម្មការរៀបចំការពិព័រណ៍សៀវភៅបានបង្ហើបថា ពិព័រណ៍សៀវភៅប្លែកពីឆ្នាំមុនបន្តិច ត្រង់ថាមានការចូលរួមពីបុគ្គលអានសៀវភៅជោគជ័យជនជាតិអាមេរិកមកចែករំលែកបទពិសោធន៍នៃការអាន។ កម្មវិធីការតាំងពិព័រណ៍សៀវភៅប្រចាំឆ្នាំលើកទី ៧នេះ នឹងប្រព្រឹត្តទៅរយៈពេលបីថ្ងៃ ចាប់ពីថ្ងៃទី ០៨ ដល់ ១០ ខែធ្នូ ឆ្នាំ ២០១៧ នៅបណ្ណាល័យជាតិកម្ពុជា។
លោកស្រី ខ្លូត វិបុល្លា នាយិកាបណ្ណាល័យជាតិកម្ពុជា និងជាម្ចាស់ទីតាំងពិព័រណ៍សៀវភៅខាងលើ ប្រាប់ Sabay តាមទូរស័ព្ទថា៖ «យើងបានអញ្ចើញបុគ្គលជោគជ័យម្នាក់ដែលបានសម្រេចគោលដៅជីវិតដោយសារការអានសៀវភៅ នឹងមកចែករំលែកពីបទសោធន៍ជីវិតជោគជ័យតាមរយៈការអានសៀវភៅនៅថ្ងៃពិព័រណ៍នោះ»។ លោកស្រី មិនបានបញ្ជាក់ពីប្រវត្តិលម្អិតនៃបុគ្គលនោះឡើយ ប៉ុន្តែលោកស្រីជឿថា អ្នកចូលរួមនឹងទទួលចំណេះដឹងមានតម្លៃត្រឡប់ទៅវិញ។
បន្ថែមពីនេះ អ្នករៀបចំការពិព័រណ៍សៀវភៅនេះបញ្ជាក់ថា គោលបំណងសំខាន់នៃពិព័រណ៍នេះ គឺចង់បណ្ដុះឲ្យប្រជាជនខ្មែរចូលចិត្តការអាន និងបង្កើតទម្លាប់អានសៀវភៅតាំងពីតូចរហូតដល់ចាស់។ ម្យ៉ាងទៀត ស្ដង់ដាក់តាំងបង្ហាញសៀវភៅក្នុងឆ្នាំនេះមានចំនួនរហូតដល់ ៨០ស្ដង់ និងមានកម្មវិធីពិសេសៗជាច្រើនទៀតទាក់ទាងនឹងការអាន៕