វៀចមាត់ជាសញ្ញាព្រមានពីជំងឺធ្ងន់ធ្ងរម្យ៉ាង នាំឲ្យខ្វិនសាច់ដុំ

2018-11-28 05:00:00
សុខភាព

2018-11-28 05:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការវៀចមុខ ឬជាភាសាអង់គ្លេស Bell’s Palsy គឺជាការរលាកសរសៃប្រសាទទី៧ បង្កដោយសារវីរុស ដែលភាសាបច្ចេកទេសហៅថា (Viral infection)។ ការវៀចមុខ មានពីរប្រភេទ នេះបើតាមទំព័រហ្វេសប៊ុក នៃមន្ទីរពេទ្យកាល់ម៉ែត។ ទំព័រដដែលបន្តថា ទី១ គឺការវៀចមុខរលាកសរសៃប្រសាទជាយខាង (Paralysis facial Peripheral)។

វាធ្វើឲ្យខ្វិនសាច់ដុំមុខមួយចំហៀងទាំងស្រុងគឺវៀចមាត់ ភ្នែកបិទមិនជិត ញាក់ចិញ្ចើមមិនកើត។

ឆ្នាំ២០១៧ Angelina Jolie បានកើតបញ្ហាវៀចមុខ (ប្រភពព័ត៌មាន និងរូបថត www.self.com)

ទី២ គឺការវៀចមាត់ (Paralysis facial Central) ដោយសារមានគ្រោះថ្នាក់សរសៃឈាមខួរក្បាល គឺស្ត្រូក (Stroke) ដែលវាធ្វើឲ្យវៀចតែមាត់ទេ ភ្នែក បិទជិត ហើយញាក់ចិញ្ចើមបាន។

វេជ្ជបណ្ឌិតបានបញ្ជាក់ក្នុងទំព័រហ្វេសប៊ុក នៃមន្ទីរពេទ្យកាល់ម៉ែតថា ប្រសិនបើលោកអ្នកមានអាការៈដូចបានរៀបរាប់ខាងក្រោម គួរអញ្ជើញមកធ្វើការពិគ្រោះជាមួយ ដើម្បីឈានទៅរកការព្យាបាលដ៏ត្រឹមត្រូវ និងមានប្រសិទ្ធភាព។

រូបភាព ផេកមន្ទីរពេទ្យកាល់ម៉ែត

១. រោគសញ្ញាសម្គាល់ទាំង ១៨ (Paralysis Facial)

បាត់បង់ការគ្រប់គ្រងដោយភ្លេចនៅលើផ្នែកដែលប៉ះពាល់ (មាត់ ភ្នែក ចិញ្ចើម)
ធ្វើឲ្យខ្វិនសាច់ដុំមុខ វៀចមុខម្ខាង (ម្ខាងកម្រើកមិនកើត និងម្ខាងកម្រើកកើត)
ចាក់ ឬស្ពឹកថ្ពាល់ ឬមាត់
ការធ្លាក់ចុះមាត់ខាងផ្នែកដែលប៉ះពាល់ (បូញ ទាញមាត់មិនបាន)

រូបតំណាង

និយាយមិនច្បាស់
ពិបាកក្នុងការបរិភោគ ឬផឹក
ហូបអាហារចូលថ្ពាល់ឈឺ ឬហៀរទឹកមាត់ចេញ
ខ្មុលមាត់មិនកើត
ផ្លុំខ្យល់មិនបាន
ហៀរទឹកមាត់

រូបតំណាង

ឈឺចាប់នៅក្នុង ឬនៅពីក្រោយគុម្ពត្រចៀកខាងវៀច (៦០%)
ឈឺចាប់ភ្នែក មើលឃើញព្រិលៗ
ចេញទឹកភ្នែក

រូបតំណាង

អាចស្ងួតភ្នែកដោយសារភ្នែកចំហ បិទមិនជិត
ញាក់ ឬជ្រួញចិញ្ចើមមិនកើត
មានអារម្មណប្រែប្រួលនៃរសជាតិ (៥៧%)
សំឡេង មានប្រតិកម្មរហ័សនៅលើចំហៀងដែលរងផលប៉ះពាល់
ជាធម្មតា ចាប់ផ្ដើមកើតឡើងភ្លាមៗ ជាទូទៅរោគសញ្ញាមានរយៈពេលតិចជាង ៤៨ម៉ោង។

២. វិធីព្យាបាលដោយចលនា ទាំង៧យ៉ាង

ស្អំសរសៃមុខដោយ Microvave ដើម្បីកម្ដៅភ្ញោចសាច់ដុំមុខ
ព្យាបាលដោយម៉ាស៊ីនថែន័ ដើម្បីភ្ញោចសាច់ដុំមុខ

រូបតំណាង

ធ្វើម៉ាស្សាដោយបន្ធូរ និងភ្ញោច លើសាច់ដុំមុខខាងវៀច
ភ្ញោចឲ្យសាច់ដុំធ្វើការឡើងវិញដោយឲ្យអ្នកជំងឺប្រឹងធ្វើការកន្ត្រាក់សាច់ដុំមុខ ទំពាស្ករកៅស៊ូខាងវៀច
៨០% អ្នកជំងឺស្ដារឡើងវិញបាន ក្នុងរយៈពេលពី ២ទៅ១២សប្តាហ៍
១០% មានការព្យាបាលរយៈពេលវែង ឬអាចនៅមានសំណល់រោគរហូត បើមិនមានការព្យាបាលបានត្រឹមត្រូវ។
ការព្យាបាលដោយចលនាល្អបំផុត គឺចាប់ផ្ដើមពី ២ ឬ៣ថ្ងៃដំបូង នៃការកើតមានជំងឺនេះ រួមផ្សំនឹងការព្យាបាលដោយថ្នាំសម្លាប់វីរុសជាដើម។