- 2019-01-09 04:00:00
- សុខភាព
កុំសម្ងំបាញ់ថ្នាំនេះនោះខ្លួនឯង ក្រែងនាំទុក្ខ មកដឹងរឿងត្រូវធ្វើ និងដាច់ខាតមិនត្រូវធ្វើ បើរងការលាកស្បែក
- 2019-01-09 04:00:00
- ចំនួនមតិ 0 | ចំនួនចែករំលែក 0
កុំសម្ងំបាញ់ថ្នាំនេះនោះខ្លួនឯង ក្រែងនាំទុក្ខ មកដឹងរឿងត្រូវធ្វើ និងដាច់ខាតមិនត្រូវធ្វើ បើរងការលាកស្បែក
ចន្លោះមិនឃើញ
ការរលាកស្បែកគឺជាការខូចខាតស្បែក និងជាលិកានៅពីខាងក្រោមស្បែកដោយមូលហេតុផ្សេងៗ ដូចជាដោយសារកម្ដៅ ឬហៅថា (thermique): ភ្លើង ទឹកក្ដៅ ខ្លាញ់ក្ដៅ ហ្គាសក្ដៅ ឬឆេះសាំង រលាកដោយឆក់ខ្សែភ្លើង អាស៊ីដ កាំរស្មី ជាដើម។ នេះបើតាមប្រភពពីទំព័រហ្វេសប៊ុកមន្ទីរពេទ្យកាល់ម៉ែត។
៣ចំណុចខាងក្រោម ដែលលោកអ្នកគួរដឹង ពីរឿងត្រូវធ្វើ និងមិនត្រូវធ្វើ ដើម្បីសុវត្ថិភាព និងជួយសង្គ្រោះត្រឹមត្រូវដល់អ្នករងគ្រោះដោយការរលាក ភ្លើង ទឹកក្ដៅ អាស៊ីដ នេះបើតាមទំព័រហ្វេសប៊ុកមន្ទីរពេទ្យកាល់ម៉ែតបានបន្តសរសេរ។
១. រឿងត្រូវធ្វើ
ការជួយសង្គ្រោះបឋម គឺធ្វើឡើងដោយអ្នកឃើញហេតុការណ៍ផ្ទាល់ ឬអ្នកនៅជុំវិញជនរងគ្រោះទៅតាមប្រភេទ និងស្ថានការណ៍នីមួយៗ។
អ្នកជួយសង្គ្រោះត្រូវមានសុវត្ថិភាពខ្លួនឯងជាចម្បងសិន។ ឧទាហរណ៍: ជនរងគ្រោះរលាកដោយសារការឆក់ខ្សែភ្លើង គឺយើងត្រូវបិទភ្លើងសិន។ បើរលាក ដោយសារសារធាតុគីមី យើងត្រូវពាក់ម៉ាស់ និងស្រោមដៃ។
បញ្ឈប់រាល់មូលហេតុដែលបណ្ដាលអោយរលាកស្បែក។ យកជនរងគ្រោះចេញអោយឆ្ងាយពីប្រភពរលាក ដោះសំលៀកបំពាក់ចេញនិងលាងសំអាតកន្លែងដែលរលាក។
ប្រើប្រាស់ទឹកស្អាត ឬទឹកម៉ាស៊ីនដើម្បីបន្ថយកម្ដៅ និងការឈឺចាប់។
ពន្លត់ភ្លើងក្នុងករណីមានការឆាបឆេះទៅលើជនរងគ្រោះ ដោយអោយជនរងគ្រោះដេកនៅលើដី រួចរមៀលឬយកអ្វីមួយមកគ្របឬយកទឹកមកបាចពន្លត់។
ក្នុងករណីរលាកដោយសារសារធាតុគីមី ត្រូវលាងសំអាតនឹងទឹកអោយបានយូរ។
ប្រសិនបើខ្ទាតចូលភ្នែក ក៏ត្រូវលាងសំអាតភ្នែកនិងទឹកអោយបានយូរដែរ។
ត្រូវគ្របដណ្ដប់អ្នកជំងឺរលាកភ្លើងដោយក្រណាត់ស្អាត រួចបញ្ជូនទៅមន្ទីរពេទ្យដែលនៅជិតជាបន្ទាន់។
២. រឿងមិនត្រូវធ្វើ
មិនត្រូវយក ម្សៅ ប្រេង ឬអ្វីផ្សេងៗ មកលាបលើមុខរបួសទេ
មិនត្រូវប្រើប្រាស់ទឹកកកទេ
៣. ការព្យាបាល
ប្រសិនបើកម្រិតនៃការរលាក ចំពោះក្មេងចាប់ពី១០% ឡើងទៅ ឯមនុស្សចាស់ចាប់ពី២០% ឡើងទៅ សូមនាំអ្នកជំងឺមកមន្ទីរពេទ្យ ដើម្បីធ្វើការសង្គ្រោះ និងព្យាបាលឲ្យបានត្រឹមត្រូវ ជៀសវាងផលវិបាក និងជំងឺផ្សេងៗ ដែលកើតមានដោយសារការរលាក។
សូមបញ្ជាក់ថា ក្នុងករណីលោកអ្នកសង្ស័យណាមួយ ក្រោយរងការរលាក ដូចបានជម្រាបជូនខាងលើ សូមលោកអ្នកប្រញាប់ទំនាក់ទំនងមកក្រុមគ្រូពេទ្យ ដើម្បីចាត់ចែងសង្គ្រោះភ្លាមៗ និងបញ្ជូនមកកាន់មន្ទីរពេទ្យដែលនៅជិតបំផុត។ ក្រុមការងារវេជ្ជបណ្ឌិត និងគិលានុបដ្ឋាកជំនាញនៃស្ថានការណ៍រលាក អាចជួយសង្គ្រោះអាយុជីវិតអ្នកជំងឺបានទាន់ពេលវេលា។ នេះបើតាមប្រភពពីទំព័រហ្វេសប៊ុក នៃមន្ទីរពេទ្យកាល់ម៉ែត។
