- 2018-02-27 08:01:22
- ការអប់រំ
យុវតីកម្ពុជា២រូប មានសមត្ថភាពពិសេស ច្នៃសំរាមធ្វើកៅស៊ូក្រាលផ្លូវជាប់យូរបំផុត
- 2018-02-27 08:01:22
- ចំនួនមតិ 0 | ចំនួនចែករំលែក 0
យុវតីកម្ពុជា២រូប មានសមត្ថភាពពិសេស ច្នៃសំរាមធ្វើកៅស៊ូក្រាលផ្លូវជាប់យូរបំផុត
ចន្លោះមិនឃើញ
យុវតីកម្ពុជាពីររូប មានសមត្ថភាពកែច្នៃសំរាមប្លាស្ទិក ទៅជាកៅស៊ូ AC ក្រាលផ្លូវមានគុណភាពខ្ពស់ជាប់យូរអង្វែង និងកំពុងត្រៀមចូលរួមការប្រកួតវគ្គក្នុងតំបន់ នៅប្រទេសប៊ូតង់ នាពេលខាងមុខនេះ។
គំនិតច្នៃប្រឌិតថ្មីរបស់និស្សិតឈ្មោះ លី សុកញ្ញា និស្សិតសាកលវិទ្យាល័យ ZAMAN និងកញ្ញា តាន់ ប៊ុនហ៊ង់ និស្សិតសាកលវិទ្យាល័យអាមេរិកាំងភ្នំពេញ ត្រូវបានភ្ញាក់ផ្អើលដល់មន្ត្រីជាន់ខ្ពស់នៃក្រសួងសាធារណការនិងដឹកជញ្ជូន ឯកឧត្តម ស៊ុន ចាន់ថុល កោះហៅមកជួប និងកោតសរសើរចំពោះសមត្ថភាពដ៏ពិសេសរបស់យុវតីទាំងពីរ។
កន្លងមកនេះ និស្សិតវ័យក្មេងទាំងពីរ បានឈ្នះការប្រកួតកម្មវិធីគំនិតច្នៃបង្កើតថ្មីនៅកម្ពុជា (Business Model Competition) រៀបចំឡើងដោយសាកលវិទ្យាល័យជាតិគ្រប់គ្រង និង មូលនិធិ CIESF។ ក្រុមនិស្សិតទាំងពីរ នឹងក្លាយជាតំណាងកម្ពុជាដើម្បីទៅចូលរួមការប្រកួតវគ្គក្នុងតំបន់ នៅប្រទេសប៊ូតង់ក្នុងពេលឆាប់ខាងមុខនេះ។ ការកែច្នៃសំរាមប្លាស្ទិក ទៅជាកៅស៊ូ AC ធ្វើផ្លូវរបស់ក្រុមនិស្សិត ECO PLASTIC ជាគំនិតថ្នៃប្រឌិតដែលក្រសួងកំពុងចាប់អារម្មណ៍ ដោយឯកឧត្តមទេសរដ្ឋមន្ត្រី សង្ឃឹមជឿជាក់ថា គំនិតច្នៃ របស់បេក្ខនារីទាំងពីររូបនេះ នឹងទទួលបានជោគជ័យនៅក្នុងកម្មវិធីប្រកួតប្រជែងជាបន្តបន្ទាប់៕
សូមទស្សនាវីដេអូរបស់យុវតីឆ្នើមទាំងពីរ៖
