- 2018-06-09 04:42:53
- ការអប់រំ
រុស្ស៊ីរឹតត្បិតខ្លាំងពេលប្រលង ដល់ថ្នាក់ឲ្យសិស្សស្រីដោះអាវទ្រនាប់ចេញ ព្រោះហេតុផល២
- 2018-06-09 04:42:53
- ចំនួនមតិ 0 | ចំនួនចែករំលែក 0
រុស្ស៊ីរឹតត្បិតខ្លាំងពេលប្រលង ដល់ថ្នាក់ឲ្យសិស្សស្រីដោះអាវទ្រនាប់ចេញ ព្រោះហេតុផល២
ចន្លោះមិនឃើញ
រុស្ស៊ីបានរឹតត្បិតខ្លាំងអំឡុងពេលប្រលងថ្នាក់ជាតិ រាប់តាំងពីចាប់ប្រ៊ុយយ៉ុងគ្មានសល់ចន្លោះ និង ឆែកឆេរក្រែងមានលាក់អាវុធក្នុងខ្លួនជាដើម។ នេះបើតាម Mirror ទើបបានចុះផ្សាយ។
ប្រទេសដែលមានផ្ទៃដីធំបំផុតក្នុងទ្វីបអឺរ៉ុបមួយនេះជឿថា ការធ្វើបែបនេះដើម្បីពង្រឹងគុណភាពបន្ទាប់ពីសិស្សចាកចេញពីសាលា និង ការត្រួតពិនិត្យសុវត្ថិភាពយ៉ាងម៉ត់ចត់ព្រោះកន្លងមកមានការវាយប្រហារដោយកាំបិតយ៉ាងសាហាវអំឡុងពេលប្រលង។
ជាក់ស្តែង សិស្សស្រីវ័យ១៧ឆ្នាំម្នាក់មិនបញ្ចេញឈ្មោះ ត្រូវបានបង្ខំឲ្យដោះអាវទ្រនាប់ចេញអំឡុងពេលឆ្លងកាត់ឧបករណ៍ត្រួតពិនិត្យមុនពេលចូលបន្ទប់ប្រលង។ បងស្រីរបស់នាងបានរិះគន់ចំពោះទង្វើនេះ ហើយថា សន្តិសុខប្រុស២នាក់បង្ខំឲ្យប្អូនស្រីនាងដោះអាវទ្រនាប់ចេញ។
បងស្រីសិស្សស្រីវ័យ១៧ឆ្នាំ បានបន្ថែមថា "តើអាចឲ្យនាងសរសេរអ្វីកើតពេលប្រលង? នាងមានការតក់ស្លុត។ នាងក៏មិនត្រូវបានអនុញ្ញាតឲ្យពន្យារពេលប្រលងទៀត"។ ប្រភពខាងលើបន្ត។
ម្ដាយម្នាក់ទៀតបាននិយាយថា "កូនស្រីរបស់ខ្ញុំក៏ប្រលងដែរ។ សាលាត្រជាក់ខ្លាំងចង់កកអស់ហើយ ហើយពួកគេត្រូវនៅទីនោះអស់៤ម៉ោង។ ការប្រលងនេះពិតជាតានតឹងខ្លាំងណាស់សម្រាប់សិស្សទាំងអស់ សិស្សទាំងនោះខ្លះយំ ហើយ ខ្លះគេឲ្យដោះខោអាវចេញទៀត"។ ប្រភពខាងលើបន្ថែម។
យ៉ាងណាក្អី ការឆែកឆេរ និង ត្រួតពិនិត្យដ៏តឹងរឹងបែបនេះបានក្លាយទៅជារឿងសាមញ្ញទៅហើយនៅប្រទេសរុស្ស៊ី។ គ្រូបានព្រមានសិស្សមិនឲ្យស្លៀកពាក់សំលៀកបំពាក់ដែលមានឡេវដែក ឬ រូតដែក ដូចគ្នាផងដែរនឹងអាវទ្រនាប់ដែលមានសារធាតុនាំឲ្យឧបករណ៍ត្រួតពិនិត្យស្រែកជាសញ្ញាអាសន្នជាដើម៕