- 2018-07-07 03:55:43
- សុខភាព
ជំងឺមហារីកធំៗកំពុងវាយលុកកម្ពុជា ស្របគ្នា Manulife ប្រកាសអត្ថប្រយោជន៍គម្រោងថ្មីសម្រាប់ព្យាបាល
- 2018-07-07 03:55:43
- ចំនួនមតិ 0 | ចំនួនចែករំលែក 0
ជំងឺមហារីកធំៗកំពុងវាយលុកកម្ពុជា ស្របគ្នា Manulife ប្រកាសអត្ថប្រយោជន៍គម្រោងថ្មីសម្រាប់ព្យាបាល
ចន្លោះមិនឃើញ
មហារីកជាជំងឺកាចសាហាវមួយ ដែលកំពុងតែវាយលុកជីវិតទូទាំងពិភពលោក ហើយក្នុងនោះ មហារីក ៥ ប្រភេទដែលកំពុងតែយាយីនៅកម្ពុជាច្រើនជាងគេ គឺ មហារីកមាត់ស្បូន មហារីកសុដន់ មហារីកច្រមុះបំពង់ក មហារីកក្រពះពោះវៀន និងមហារីកថ្លើម។
វាគ្មិនមួយរូបក្នុងកម្មវិធីអត្ថប្រយោជន៍ព្យាបាលជំងឺធ្ងន់ធ្ងររបស់ Manulife កាលពីម្សិលមិញ បានប្រាប់ពីវិធី ៥ យ៉ាងដែលអាចកាត់បន្ថយជំងឺមហារីកធំៗខាងលើ ច្រើនជាង ៥០% ថា៖ "ត្រូវញ៉ាំអាហារណាដែលល្អសម្រាប់សុខភាព ជៀសវាងរឿងញ៉ាំបាយមួយពេល ២ ៣ គោមតែឯង ញ៉ាំសាច់ច្រើនៗ ពិសេសគឺរឿងប្រៃ ខ្មែរយើងចូលចិត្តណាស់ប្រៃ សម្លបង់ប្រហុក អំបិល ទឹកត្រី ហើយនៅឆ្លៀតមានកូនចានទឹកត្រីក្រៅទៀត ដែលវាប៉ះពាល់សុខភាពខ្លាំង។ គួរណាញ៉ាំបន្លែឲ្យបានច្រើន ជៀសវាងជាតិសុរា និងមិនជក់បារី"។
ក្រៅពីនេះ ក៏ត្រូវហាត់ប្រាណឲ្យបានច្រើន យ៉ាងហោចណាស់ដើរឲ្យបាន ២ម៉ឺនជំហាន ក្នុង ១សប្ដាហ៍ និងធ្វើបែបណាឲ្យខ្លួនឯងសប្បាយចិត្ត កុំគិតច្រើន ស្រ្តេសច្រើន។
ក្នុងកម្មវិធីអត្ថប្រយោជន៍ព្យាបាលជំងឺធ្ងន់ធ្ងរនេះ ក្រុមហ៊ុនធានារ៉ាប់រងអាយុជីវិត Manulife ក៏ទើបសម្ពោធគម្រោងថ្មី ដែលអាចការពារជំងឺធ្ងន់ៗរហូតដល់ ១៤ ប្រភេទ។
លោក Robert Elliott អគ្គនាយកប្រតិបត្តិ និងនាយកចាត់ការទូទៅ Manulife បាននិយាយថា៖ "អត្រាភាពជោគជ័យក្នុងការព្យាបាលជំងឺមហារីកមានកម្រិតខ្ពស់ បើព្យាបាលកម្រិតដំបូង អ៊ីចឹងហើយ ទើបយើងផ្ដល់គម្រោងថ្មី ដែលអាចឲ្យអតិថិជនផ្ដោតលើការព្យាបាល ជាជាងបារម្ភរឿងហិរញ្ញវត្ថុ ដោយផ្ដល់សំណងរហូតដល់ ១០ម៉ឺនដុល្លារ"។
អត្ថប្រយោជន៍ព្យាបាលជំងឺធ្ងន់ធ្ងររបស់ Manulife នឹងផ្ដល់ជូនអតិថិជន ៥០% នៃទឹកប្រាក់ត្រូវបានធានា ដែលមានតម្លៃជាសាច់ប្រាក់សរុប ២៥ ០០០ដុល្លារ សម្រាប់ការព្យាបាលជំងឺធ្ងន់ធ្ងរកម្រិតដំបូង ហើយបុព្វលាភរ៉ាប់រងនឹងត្រូវបានលើកលែងបន្ទាប់ពីប្រាក់សំណងករណីជំងឺធ្ងន់ធ្ងរកម្រិតធ្ងន់ត្រូវបានផ្ដល់ជូនរួច ដែលការលើកលែងនេះត្រូវបានបង្កើតឡើងដើម្បីជួយសម្រាលបន្ទុករបស់អតិថិជនក្នុងពេលលំបាក។
សម្រាប់ព័ត៌មានបន្ថែម ចូលទៅផេកហ្វេសប៊ុក Manulife Cambodia៕
