- 2018-08-21 03:40:00
- ការអប់រំ
មិនធម្មតា! ១ឃ្លាពីលោកឳពុកម្នាក់ នៅក្រៅរបង អង្អែលក្បាលកូន ផ្តាំផ្ញើ ឮហើយមានកម្លាំងចិត្តតែម្តង
- 2018-08-21 03:40:00
- ចំនួនមតិ 0 | ចំនួនចែករំលែក 0
មិនធម្មតា! ១ឃ្លាពីលោកឳពុកម្នាក់ នៅក្រៅរបង អង្អែលក្បាលកូន ផ្តាំផ្ញើ ឮហើយមានកម្លាំងចិត្តតែម្តង
ចន្លោះមិនឃើញ
ទិដ្ឋភាពនៅខាងមុខមណ្ឌលប្រលងបាក់ឌុបនីមួយៗ បន្តសភាពស្ងប់ស្ងាត់ធម្មតាវិញ ក្រោយសិស្សបានចូលទៅតាមបន្ទប់រៀងខ្លួន។ ដោយឡែក អាណាព្យាបាលនៅខាងក្រៅរបង នៅតែបន្តរង់ចាំ ដោយចិត្តអន្ទះសា អើតលឿមៗ ជូនពរកូន ដោយអារម្មណ៍រំភើបបំផុត។
ក្នុងចំណោមនោះក្រុមការងារ Sabay បានជួបលោកឪពុកម្នាក់ ដែលបានចំណាយពេលរង់ចាំកូន មុខមណ្ឌលវិទ្យាល័យច្បារអំពៅ រាជធានីភ្នំពេញ។ លក្ខណៈពិសេស គឺលោកឪពុករូបនេះ បានផ្ដាំផ្ញើកូន ១ឃ្លា ខុសប្លែកគេ ដែលអាចជាគំរូល្អ គួរឲ្យសរសើរ។
មានឈ្មោះ អ៊ុំ លីណៈវិរតន៍ លោកជាមន្ត្រីរាជការ នៃក្រសួងមួយសុំមិនបញ្ចេញឈ្មោះ បានប្រាប់ថា ពាក្យ១ឃ្លា ដែលតែងរំលឹកកូន តាំងពីដើមមកគឺ អ្នកជោគជ័យ គឺអ្នកស្រលាញ់ពេលវេលា។
លោកបន្តថា ឆ្លុះបញ្ចាំងពី១ឃ្លានេះ គឺនាំមកនូវចំណុចល្អ ជាច្រើនជួយកូនឲ្យទម្លាប់ល្អ និងរៀនពូកែ ឧទាហរណ៍មុនមកប្រលង គឺដាច់ខាត គឺត្រូវមកឲ្យបានមុនម៉ោង ពោលគឺមកដល់មណ្ឌលប្រលង តាំងពីមុនម៉ោង ៦ព្រឹក។ សល់ម៉ោង សុខចិត្តអង្គុយរំលឹកមេរៀន ជាជាងមកយឺត ស្លន់ស្លោ។
សូមទស្សនាវីដេអូលម្អិត នៃកិច្ចសម្ភាស លោក អ៊ុំ លីណៈវិរតន៍ ជាមួយ Sabay
សូមរំលឹកថា តាមការបញ្ជាក់របស់លោក អ៊ុំ លីណៈវិរតន៍ ដែលបានផ្តាំ១ឃ្លាអប់រំកូនខាងលើនេះ គឺលោកបានទទួលជោគជ័យក្នុងគ្រួសារ។ កូនដែលកំពុងប្រលងនេះ គឺជាកូនទី២ហើយ។
តាមរយៈការអប់រំ តាំងពីកូនទី១ ពោលគឺកូនលោកមានទម្លាប់ល្អ គោរពម៉ោងពេល រៀនក៏ពូកែ រហូតមានការងារល្អ និងឱកាសចូលរួមការផ្លាស់ប្ដូរវគ្គសិក្សាទៅបរទេស មានដូចជាវគ្គទៅសហរដ្ឋអាមេរិក និងប្រទេសហ្វីលីពីន។
