- 2019-03-01 08:00:00
- ការអប់រំ
សាហាវ! "Momo Challenge" កំពុងវាយប្រហារក្មេងៗ និយមមើលរឿងតាម YouTube
- 2019-03-01 08:00:00
- ចំនួនមតិ 0 | ចំនួនចែករំលែក 0
សាហាវ! "Momo Challenge" កំពុងវាយប្រហារក្មេងៗ និយមមើលរឿងតាម YouTube
ចន្លោះមិនឃើញ
សារព័ត៌មានអន្តរជាតិល្បីៗក្នុងពិភពលោកបានចុះផ្សាយពីរឿងភ្ញាក់ផ្អើលមួយកាលពីពេលកន្លងទៅ ហើយវា កំពុងបង្កគ្រោះថ្នាក់ដល់ជីវិតកុមារ បង្កឡើងដោយសារហ្គេមតាមអ៊ីនធឺណិតមួយប្រភេទ។
យោងតាម The Washington Post បានបញ្ជាក់ថា ហ្គេមមួយប្រភេទនោះ មានឈ្មោះថា "Momo" ដែលវាអាចពង្វក់ក្មេងៗ ឲ្យជក់លេង និងឈានទៅការសម្លាប់ខ្លួនឯង តាមសកម្មភាពមានដូចជាចងករ ឬចាក់សម្លាប់គេឯងជាដើម។
ប្រភពដដែលបន្តទៀតថាហ្គេមអ៊ីនធឺរណីនេះ ត្រូវបានគេចែកចាយតាមរយៈសេវាកម្មសារឥតគិតថ្លៃ ក្នុងបណ្ដាញសង្គម ដែលមានឈ្មោះថា WhatsApp។ ក្រៅពីនេះ "Momo" ក៏ត្រូវបានគេបន្តចែកចាយនៅលើបណ្ដាញសង្គមដ៏ធំដទៃទៀត មានដូចជា Facebook, Twitter និង YouTube ផងដែរ។
The Washington Post បានចុះផ្សាយពីសារព្រមានពីគ្រោះថ្នាក់នៃហ្គេមអ៊ីនធឺណិត "Momo" ដែលកំពុងបង្កការព្រួយបារម្ភ ដែលវាអាចកើតឡើងចំពោះកុមារនៅទូទាំងពិភពលោក តែងតែនិយមលេងហ្គេមតាមទូរសព្ទ ប្រសិនបើអាណាព្យាបាលមានធ្វេសប្រហែស។
ថ្មីៗនេះភ្នាក់ងារប៉ូលិសសហរដ្ឋអាមេរិក ក៏បានប្រាប់អំពីឥទ្ធិពលដ៏អាក្រក់របស់ ហ្គេម "Momo" ដែលវាអាចធ្វើឱ្យប៉ះពាល់ដល់ក្មេងៗ តាមរយៈការលួងលោម និងបោកបញ្ឆោតក្នុងរូបភាពជាការលេងកម្សាន្ត មុនឈានទៅការបញ្ជាឲ្យសម្លាប់ខ្លួនតាមវា។
ល្បែងដែលមនុស្សជាច្រើនហៅថា "Momo Challenge" តម្រូវឱ្យអ្នកលេងត្រូវបំពេញភារកិច្ចទៅតាមលក្ខខណ្ឌតម្រូវនានា ដែលជាទូទៅមានគ្រោះថ្នាក់ និងពាក់ព័ន្ធនឹងអំពើហិង្សា ឬការសម្លាប់ខ្លួនឯង។ ទោះយ៉ាងនេះក្ដី ប្រភពដើមនៃហ្គេមនេះ មិនទាន់ត្រូវបានទម្លាយឲ្យដឹងថា វាមានប្រភពមកពីណា ឬអ្នកណាជាបង្កើតនៅឡើយ។
ក្រុមមន្ត្រីនៅក្នុងប្រទេសចំនួន៣ប្រទេស បានរកឃើញថា ការប្រកួតប្រជែងចុងក្រោយរបស់ Momo គឺជាការបោកបញ្ឆោតជាច្រើន ដែលបង្ហាត់តាមអ៊ីនធឺណិតឲ្យក្មេងៗធ្វើអត្តឃាត។ ជាក់ស្ដែងយ៉ាងហោចណាស់មាន៣ករណី នៃអនីតិជនបានសម្លាប់ខ្លួនឯង នៅក្នុងប្រទេសអាហ្សង់ទីន កូឡុំប៊ី និងឥណ្ឌា។
សូមរំលឹកថា បើតាមពីប្រភពពីកាសែត Buenos Aires Times របស់ប្រទេសអាហ្សង់ទីនបានរាយការណ៍ថានៅក្នុងខែកក្កដាកន្លងទៅនេះ មានក្មេងស្រីអាយុ១២ ឆ្នាំម្នាក់ដែលរស់នៅក្នុងខេត្តប៊ុយណូស៊ែរ ត្រូវបានគេរកឃើញថាបានចងកសម្លាប់ខ្លួន នៅដើមឈើមួយនៅក្នុងបរិវេណផ្ទះរបស់នាង។
ក្រោយការស្លាប់របស់ក្មេងស្រីខាងលើ ក្រុមអាជ្ញាធរបានស៊ើបអង្កេត និងរកឃើញថា គឺជាការធ្វើអត្តឃាត ហើយករណីនេះមានជាប់ពាក់ព័ន្ធទៅនឹងការលេងហ្គេមអ៊ីនធឺណិត Momo នៅលើ បណ្ដាញសង្គម WhatsApp" ។
