ការកកស្ទះចរាចរណ៍ធំៗចំនួន ៣ ក្នុងប្រវត្តិសាស្ត្រ

2024-01-23 13:08:00
ព័ត៌មាន

2024-01-23 13:08:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កំណើនសេដ្ឋកិច្ច បានរួមចំណែកក្នុងការធ្វើឲ្យចំណូលរបស់ប្រជាជនមានការកើនឡើង ដែលអាចកត្តាសំខាន់មួយក្នុងនាំឲ្យមានកំណើនយានយន្តនៅលើដងផ្លូវ។ នៅប្រទេសជាច្រើន ការណ៍នេះបណ្ដាលឲ្យមានការកកស្ទះចរាចរណ៍។ ទោះជាយ៉ាងណា កំណើនយានយន្តមិនមែនជាមូលហេតុចម្បងតែមួយឡើយ។ បញ្ហាអាកាសធាតុ និង ការសម្រុកប្រើប្រាស់ផ្លូវរបស់ពលរដ្ឋដោយហេតុផលផ្សេងៗជាដើម សុទ្ធតែរួមចំណែកដល់ការកកស្ទះចរាចរណ៍។ ក្នុងន័យនេះ អត្ថបទនឹងលើកអំពីការកកស្ទះចរាចរណ៍ធំៗចំនួន ៣ ក្នុងប្រវត្តិសាស្ត្រ។

១.ផ្លូវល្បឿនលឿនប៉េកាំង – ទីបេ សាធារណរដ្ឋប្រជាមានិតចិន៖ កាលពីខែសីហា ឆ្នាំ ២០១០ មានការកកស្ទះចរាចរណ៍ដល់ទៅ ១២ ថ្ងៃ នៅលើផ្លូវមួយនេះ។ ប្រវែងដែលយានយន្តដែលស្ទះគឺជិត ១០០ គីឡូម៉ែត្រ។ មូលហេតុនៃការកកស្ទះ គឺបណ្ដាលមកពី មានយានយន្តច្រើនពេកប្រើផ្លូវមួយនេះ ជាពិសេសឡានធំៗដឹកសម្ភារៈសំណង់។

២.ផ្លូវថ្នល់អាល្លឺម៉ង់ខាងកើត – ខាងលិច៖ ក្រោយជញ្ជាំងប៊ែរឡាំងបានរលំរលាយទៅនៅឆ្នាំ ១៩៨៩ ការធ្វើដំណើរពីអាល្លឺម៉ង់ខាងកើតទៅអាល្លឺម៉ង់ខាងលិចមានភាពងាយស្រួលជាងមុន។ កាលពីខែមេសា ឆ្នាំ ១៩៩០ ក្នុងពិធីបុណ្យ Easter ប្រជាជនអាល្លឺម៉ង់បានធ្វើការសម្រុកធ្វើដំណើរទៅលេងបងប្អូនខ្លួននៅទឹកដីអាល្លឺម៉ង់មួយផ្នែកទៀត ដើម្បីធ្វើការជួបជុំអបអរពិធីទាំងគ្នា។ ការណ៍នេះធ្វើឲ្យមានវត្តមានឡានកើនដល់ទៅ ១៨ លានគ្រឿងនៅលើផ្លូវ។ ទោះជាយ៉ាងណា ផ្លូវនោះមានប្រមាណតែ ៥០ ម៉ឺនឡានប៉ុណ្ណោះ ដែលអាចឆ្លងកាត់។ ភាពមិនសមាមាត្រគ្នានេះហើយ បង្កឲ្យមានការកកស្ទះចរាចរណ៍យ៉ាងខ្លាំង។ ប្រវែងស្ទះគឺរហូតដល់ទៅ ៤៨ គីឡូម៉ែត្រ។

៣.ផ្លូវ Interstate ៤៥ ទីក្រុង Houston រដ្ឋ Texas សហរដ្ឋអាមេរិក៖ នៅខែកញ្ញា ឆ្នាំ ២០០៥ មានមនុស្សប្រមាណ ២,៥ លាននាក់បានធ្វើការជម្លៀសពីទីក្រុង Houston បន្ទាប់ពីទទួលបានដំណឹងទាក់ទងនឹងការជិតមកដល់នៃខ្យល់ព្យុះ Hurricane Rita។ ការណ៍នេះបណ្ដាលឲ្យមានការស្ទះចរាចរណ៍មានប្រវែងដល់ទៅ ១៦១ គីឡូម៉ែត្រ នៅលើផ្លូវ Interstate ៤៥។ ការកកស្ទះមានរយៈពេល ៤៨ ម៉ោង៕